Л.Н.Гумилев атындағы Еуразия ұлттық университеті
Ақпараттық технологиялар факультеті
«Жүйелік талдау және басқару» кафедрасы
Нұр-Сұлтан қ. 30 сәуір 2019 ж.
Қатысқандар: 27 студент
«Толеранттық – үйлесімді өзара қарым-қатынас негізі» атты ашық сабақ туралы есеп беру
Ашық сабақтың мақсаты: «Толеранттық» сөзінің мағынасын ашу, Тәуелсіз Қазақстанымыздағы дінаралық қатынастардағы толеранттық, ұлтаралық және халықаралық бірлік туралы тусінік беру, жағымды қарым-қатына орнату, бір-біріне жақсылық жасай білуге және қоршаған ортаға жақсылық жасай білуге, ой-өрісін дамыту, қайырымды, қамқор болуға тәрбиелеу.
Дамытушылық: студентердің бойында адамдарға, әлемге деген мейірімділік, төзімділік дағдыларын қалыптастыру, өз ойларын айта білу туралы
Тәрбиелік: Ұлтаралық достық қарым-қатынасты сақтауға, қоғамда тұрактылықты, шыдамдылықты сақтауға, бір-біріне мейірімді болуға тәрбиелеу.
Күтілетін нәтиже: әр түрлі студент болса да, ештеңеге қарамастан, студенттер бір-біріне мейірімділікпен, төзімділікпен қарай білу.
1)Ұйымдастыру кезеңі
Студенттермен сәлемдесу. «Көңіл-күй жәшігі» ойыны. Шарты: ашық сабақты жақсы көңіл – күймен бастау үшін, жағымсыз қылықтарды, көңілсіздікті, жағымсыз естеліктерді жәшікке салып, жәшікті желімдеп, жабамыз. (2 мин.)
«Толеранттық – үйлесімді өзара қарым-қатынас негізі» тақырыбындағы тренингті жүргізді. Студенттерге парақ таратыла отырып, сол парақ бетіне өмірде жолы болмай, келенсіз кездерге тап болған сәттерді. Сонымен қатар өзге жанға қатты ренжіп, көңілі қалған сәттерді бейнелеу тапсырылды. Көзді жұмып отырып барлығы парақ бетіне шимайлап сурет сала бастады. Белгіленген 5 минут уақыт берілді. Сурет аяқталып, барлығы көздерін ашқан соң келесі тапсырма,- енді осы салынған сурет үстіне өмірдегі бақытты сәтті бейнелеу тапсырылды. Бұл тапсырманы да көзді жұму арқылы салып шықты. Яғни бұл тренингте анықталған мәселе өмірде қаншалықты көңілін қалып ренжісеңде артынан қуанышты сәттердің келетіне анық. Сондықтан да өзінді өзін қажи бермей сабырға келіп, қуанышты кезеңнің келетініне сенім арт. Өмір таразы. Уақыт емші. Барлық келеңсіз кезеңдерге сабырлы бол,- демекшімен деп Жамбылұлы Қайсар өзінің шығарған «Уақыт емші» атты өлең - шумақтарын паш етті.
2) Ойлану (5 мин)
1) «Мейірімділік» деген не?
2) Өздерің мейірімді іс атқардыңдар ма?
3) «Төзімділік» деген не? Ол қандай істерде байқалады?
4) «Достық» деген не?
5) Адамдардың барлығы бір – біріне ұқсайтын болса, әлем қалай болар еді? сұрақтарға Шаймұрзин Тыныбек, Жеткіншекұлы Рамиль, Есболұлы Бақдаулет, Әуесхан Сержан, Рахат Арман топтың студенттер белсенді түрде өз ойларын толық жеткізді.
3) Тыныштық сәті (баяу музыка Секен Тұрысбековтың «Көңіл толқыны»)
Көзімізді жұмып, біраз демалып, жақсы істерді көз алдымызға елестетейік. Біз қазір керемет, әрі сиқырлы, мейірімділік пен сүйіспеншілікке толы әлемге саяхат жасаймыз. Бұл әлемнің ауасы таза,жұпар иісті. Бәріміз де сол әлемге қарай қадам басайық! Біздің жанымызда достарымыз,олардың жанында біз өзімізді еркін сезінеміз. Мейірімділік, сүйіспеншілік ізгілік нұры бізге қонып,жан дүниемізді осы жақсы сезімге толтырады. Адамдар бір-біріне тек жақсылық, қуаныш, ізгілік сыйлап жатса, қандай жақсы болар еді. Қайтатын уақыт та келді. Осы әлеммен қоштаса отырып, мейірімділік нұрын өзімізбен бірге ала кетейік.
4) «Өзіңді суретте» (10 мин) Бұл жерде студенттерге парақ пен қалам таратылып шықты. Сол параққа қасында отырған студенттің суретін салу тапсырылды. Мұндағы мақсат қанша тырысқанымен адамның бейнесін толық, нақты түсіру мүмкін емес. Мақсаты: адамды танымайынша, оның сыртынан ғайбат сөздер айтып, балағаттаудың қажеті жоқ. Біз біреуді жамандамас бұрын өзіміздің сырт бейнемізді туралап, ішкі санамызды тазартуымыз қажет,-деп осы тақырыпқа байланыстырып видеоролик көрсетілді.
5) «Толеранттылық пантомимасы» жаттығу.
Құрманғазин Бекзат пен Ғапыров Жомарт шығып, жаттығудың мақсатын түсіндіре отырып, «Тепе-теңдік», «Сабырлылық», «Келісім» сөздерін пантомима арқылы көрсетті. Қалғандары оның қандай сөз екенін түсініп, айтуы тиіс.
6) «Мейірімділік гүлі» (мейірімділік гүлін әсемдеу) атты жаттығу. Мұнда толеранттылық – бұл.... әрі қарай әр студент түсінгені бойынша, жалғастырып айту.
Толеранттылық-мейірімділік; Толеранттылық төзімділік; Толеранттылық-құрметтеу; Толеранттылық-достық; Толеранттылық-бірлік; Толеранттылық-ынтымақ; Толеранттылық-түсіністік.
Мұндағы мақсат әрбір студенттің іс-шараға белсене қатысып, күнделікті өмірде осы сөздердің астарында астарлы сенім сияқты маңызды мәселелерге қатысты өз пікірлерін білдірді.
7) Рефлекция: (2 мин)
«Ұстамды жалғастырыңыз» жаттығуы
Мақсаты: толеранттылықтың анықтамасы, қиялдың дамуы, сөйлеудің экспрессивті тәсілдері. Нұсқаулық: «қажетті қағазды таңдай отырып, соны жалғастыру қажет, яғни аяқталмаған фраза жалғастырады»
• Маған ашық сабақ ұнады ...
• Мен оны пайдалы деп санаймын ...
• Мен есіме түсіремін...
• Маған өте ұнады…
• Менде қиындық болды ...
• сабақ барысында жаңа нәрселерді үйрендім ...
• Мен өмірімде қолданамын ...
Тәлімгер сағатының қорытындысы: соңғы сөзімен куратор Г.С.Шутеева өз ойын жеткізді: адамдар әрқашан көмек беруге әзір тұру керек. Дұрыс, ізгі ой – ниеттен туындаған барлық іс дұрыс болып, басқаларға және өзіңе қуаныш әкеледі. Жасаған ісіңді, көмегіңді ақысыз, қайтарымсыз жасау дұрыс әрекет болады. Көмекті оймен, сөзбен, іспен жасауға болады. Өзгелерге жақсылық жасау арқылы біз ең алдымен өзімізге көмектескеніміз. Еліміздің басқа діндер мен ұлт өкілдеріне төзімділік танытуды, негізгі құндылығы мен байлығы болып табылатын бір-біріне және қоршаған ортаға құрметпен қарай білуге адам өзін-өзі тәрбиелеу керек деген қорытынды жасалды. Барлық келген студенттерге және кафедра оқытушыларына алғысын білдірді.
Қаулы шығарылды:
1. «Толеранттық – үйлесімді өзара қарым-қатынас негізі» тақырыбы бойынша ашық сабақ талқыланып, талапқа сай деп бекітілсін.
АБ-13 тобының кураторы: Г.С. Шутеева
