Материалдық-техникалық база

Л.Н. Гумилев атындағы ЕҰУ "Акпараттық технологиялар" факультеті А.С. Пушкин 11 көшесіндегі №2 оқу корпусында  «6В01511 – Информатика», «7М01511 – Информатика», «7М01124 - Педагогикалық өлшеулер», «7M01525 - Stem білім беру», «8D01511 – Информатика» және «8D01124 - Педагогикалық өлшеулер» білім беру бағдарламалары  бойынша  оқытылады. Корпустың пайдалануға берілген жылы – 1984 жыл, пайдаланудың түрі - Л.Н. Гумилев атындағы ЕҰУ меншігі. Ғимараттың жалпы ауданы 6223,1 кв.м, пайдалы ауданы – 5920 кв.м. Барлық аудиториялық қоры - 2168,8 кв.м, №2 оқу корпусында барық отыратын орын  - 931. Информатика кафедрасының жалпы ауданы – 956,1 кв.м. Ғимарат пайдаланудың шарттары көрсетілетін санитарлық-эпидемиологиялық талаптарға сәйкес келеді және өрт қауіпсіздігі ережелері мен нормалар талаптарына жауап береді. №2 оқу корпусында ішкі сумен жабдықтау жүйесі мен кәріз жүйесі қарастырылған. Л.Н. Гумилев атындағы ЕҰУ-нің сәтті қызметіне материалдық-техникалық база өз үлесін қосады. Университеттің өз алдына қойған мақсаттар мен міндеттерді орындау үшін барлық қажет оқу-материалдық активтері бар.

Берілген оқу бағдарламаларына сәйкес оқу процессінде қолданылатын компьютерлік парк. Информатика кафедрасында компьютерлік және интерактивті техника паркін дамыту жеткілікті: компьютердің жалпы саны – 274, барлығы жергілікті торапқа біріккен және Интернетке қосылған, 4 интерактивті тақта, 4 видеопроектор, 3 телевизор, 14 компьютерлік сынып бар, университеттің барлық оқу корпустары тегін Wi-Fi-мен қамтамасыз етілген. Информатика кафедрасы оқу процессінде келесі зертханаларды қолданады:  IT-Әлем желілік тренажер зертханасы (412 аудитория),  «3D модельдеу және баспа» мамандандырылған кабинеті (110 кабинет), «VR технологиялар» мамандандырылған кабинеті (402),  және оқу кабинеттері: «Smart-технологиялар» компьютерлік класы (401), «Информатиканы оқыту әдістемесі», «STEM білім беру»,    Компьютер құрылысы және жүйелік әкімшілік (407 аудитория), «Компьютер архитектурасы және жүйелік әкімшіліктендіру» (409), «Білім берудегі Робототехника» (414)  Білім беру ресурсы  барлық қажетті техникалық құралдармен жабдықталған (компьютерлер, планшеттер, проекторлар, мультимедиялық техника). Бағдарламалық қамтамасыз ету оқыту процессінде бағдарламалық қамтамасыз етуі көрсетілетін пәннің ОӘҚ сәйкес алынады. Мысалы, Информатиканы оқыту үшін MSOffice пакеті, СУБД Access және Delphi бағдарламалау ортасы қолданылады, сонымен қатар жасанты интелекті пайланады. Әр зертхана жеке және өрттен қорғану құралдарының арналуы көрсетлетін паспортпен қамтамасыз етіледі.