Ферғана мемлекеттік университетінде ФИТ ғалымдарының дәрістері
«Ақпараттық технологиялар» факультетінің ғалымдары – Ақпараттық технологиялар факультетінің академиялық мәселелер жөніндегі декан орынбасары, "Ақпараттық қауіпсіздік" кафедрасының доценті, PhD Жанар Ахметова және "Ақпараттық жүйелер" кафедрасының доценті, PhD Аягөз Мұханова жақында шетелдік іссапардан оралды, оның барысында Ферғана мемлекеттік университетінде (Ферғана қ., Өзбекстан) дәрістер оқылды.
АТФ деканының орынбасары Жанар Ахметова 60610200 – "Ақпараттық жүйелер және технологиялар" бағыты бойынша "Математика және информатика" факультетінің студенттеріне дәріс оқыды және оқытушыларға, магистранттарға және докторанттарға ақпараттық қауіпсіздік тәуекелдерін талдау және бағалау бойынша семинар-тренинг өткізді.
"Ақпараттық жүйелер" кафедрасының доценті Аягөз Мұханова "Ақпараттық технологиялар" және "Қолданбалы математика және информатика" кафедраларының студенттеріне арналған программалау негіздері бойынша дәрістер оқып, практикалық сабақтар өткізді.
Осы іс- сапар аясында АТФ деканының орынбасары Жанар Ахметова Қазақстанның жоғары оқу орындарында оқуға арналған стипендиялық бағдарламалар туралы презентация өткізді, студенттер мен магистранттарды біздің университетпен таныстырып, оларды ЕҰУ-ға оқуға шақырды.
Ферғана мемлекеттік университетіне іс-сапарының қорытындысы бойынша екі тарап екі жоғары оқу орны мен факультет арасындағы ынтымақтастықты одан әрі дамыту туралы уағдаласты.
"Екі бауырлас мемлекеттің жоғары оқу орындары арасындағы тығыз ынтымақтастық біздің елдеріміздің ғылымы мен жоғары білімінің өркендеуі бағытында дамитындығына сенімдімін", - деп қорытындылады Жанар Ахметова.
